“Apple” машҳур гаджет ишлаб чиқаришни тўхтатди

Еттинчи авлод плеери iPod touch компания аудиотехника тарихида охиргиси бўлиб қолади. “Apple” ўз бизнесини юритишда шу қарорга келди.

Мазкур гаджет 3 йил аввал тақдим этилган эди. Бугунги кунда эса плеер универсал айфонлар соясида қолиб кетди. Аудиторияда унга нисбатан эҳтиёж пасайиб, кам харид кўрсаткичлари ишлаб чиқаришни тўхтатишни тақозо этди.

iPod бозордан чиқиб кетгач, унинг ўрнини қандай гаджет эгаллашини компания ҳозирча маълум қилмади. Айни вақтда “Apple”дагилар iPhone SE янги версияси устида бош қотириш билан банд.