Жорий йилнинг 24 февраль куни эрталаб Россия Президенти Владимир Путин ДХР ва ЛХРни озод қилиш ҳамда Украинани “денацификация” ва “демилитаризация” қилиш учун ушбу мамлакатга қўшин киритиб, уруш бошлаганидан кейин мана етти кун ўтди.
Бир ҳафтадирки, Киев, Харьков, Мариупол ва бошқа шаҳарлар яқинида жанглар давом этмоқда. Шаҳарлар аҳолиси метро бекатларида ва ер ости автотураргоҳларида жон сақламоқда.
Айримлар эса мамлакатдан қўшни давлатларга қочиб кетган: БМТ маълумотларига кўра, урушнинг олти кунида 836 минг қочқин Украинани тарк этган. Қуйида урушнинг еттинчи кунидан суратларни кўришингиз мумкин.
Россия Мудофаа вазирлиги ўтган етти кунда урушда 498 нафар рус ҳарбийси ҳалок бўлганини, 1,5 мингдан ортиғи жароҳатланганини маълум қилди. Украина томони эса Россия урушда 9 минг аскарини йўқотганини айтди.
Ўз навбатида, Россия Мудофаа вазирлигига кўра, Украина куч тузилмаларининг ҳарбий хизматчилари орасида 2870 дан ортиқ киши ҳалок бўлган, 3700 га яқини яраланган. Расмий Киев бу борадаги сўнгги маълумотларни ҳозирча эълон қилмади.
Тасодифий хабарлар
"Реал"га қарши ўйин олдидан "Ливерпуль" жуда жиддий йўқотишга учраши мумкин
Эртага қандай об-ҳаво бўлиши айтилди
Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш
Эртага, 21- ноябрь куни Ўзбекистоннинг айрим жойларида ёмғирли об-ҳаво кузатилади
Ўзбекистон қайси давлатдан энг кўп музқаймоқ импорт қилгани маълум қилинди