2021-2022 ўқув йилидан бошлаб олий таълим муассасаларига давлат грантида қабул кўрсаткичлари 25 фоизга оширилади. Бу 2021 йил учун давлат бюджети параметрларига киритилаётган ўзгартиришда белгиланмоқда.
8 июн куни Олий Мажлис Қонунчилик палатасида 2021 йил учун Давлат бюджети тўғрисидаги қонунга ўзгартиш киритиш ҳақидаги қонун лойиҳаси кўриб чиқилди ва қабул қилинди. Бу ҳақда палата матбуот хизмати хабар бермоқда.
Маълум қилинишича, ҳужжатда 2021-2022 ўқув йилидан бошлаб олий таълим муассасаларига давлат грантида қабул кўрсаткичлари 25 фоизга оширилиши, эҳтиёжманд оилалар қизларига ажратиладиган грантлар 2 баробарга кўпайтирилиб, улар сони 2 мингга етказилиши белгиланмоқда.
Шунингдек, қонун лойиҳасида олис ҳудудларда бирламчи ва ихтисослашган тиббий ёрдам кўрсатиш, эҳтиёжманд аҳоли учун скрининг ва даволаш тадбирларига хусусий шифохоналар жалб қилиш, уларга субсидия ажратишни йўлга қўйиш кўзда тутилмоқда. Бюджетдан қўшимча маблағлар ажратилиб, эндокрин касалликларни эрта аниқлаш ва даволаш мақсадида муассасалар моддий-техник базасини мустаҳкамлаш белгиланмоқда.
Манбага кўра, бюджетга киритилаётган ўзгаришлар оилавий тадбиркорликни ривожлантириш, аҳоли бандлигини таъминлаш, ёшлар ва хотин-қизлар ташаббусларини молиявий қўллаб-қувватлаш, ички йўллар ва ичимлик суви таъминотини яхшилашга хизмат қилади.
Тасодифий хабарлар
Миллий гвардия Қўриқлаш бош бошқармасига айлантирилди
Террорчилик ташкилотини молиялаштириб келган Ўзбекистон фуқароси ушланди
Автобус иштирокида ЙТҲ содир бўлди
“Штраф”лар базаси нега йўқолиб қолди? ЙҲХББ тилга кирди
Фарғона каналига тушиб кетган машинадаги уч киши ҳалок бўлди