Афғонистонда ҳокимиятни қўлга олган “Толибон” ҳаракати Россия Президенти Владимир Путиннинг пайғамбар Муҳаммад (с.а.в.) ни ҳақорат қилиш эркинлик ва ижодкорлик ифодаси эмаслиги ҳақидаги сўзларини олқишлади. Бу ҳақда “Толибон” томонидан тайинланган Афғонистон Ташқи ишлар вазирлиги Матбуот котиби Абдул Каҳар Балхий Twitter’даги саҳифасида маълум қилди.
“Афғонистон Ислом Амирлиги” Россия Президенти Владимир Путиннинг буюк ислом пайғамбари Муҳаммад (с.а.в.) ни ҳақорат қилиш сўз эркинлиги эмас, балки диний эркинликка қарши чиқиш, мусулмонларнинг муқаддас туйғуларини ҳақорат қилиш деган сўзларини олқишлайди”, дея таъкидланган матнда.
Бундан ташқари, “Толибон” раҳбарияти Россия раҳбарининг Афғонистон Марказий банки активларини озод қилиш зарурлиги ҳақидаги сўзларини олқишлаган.
Эслатиб ўтамиз, Путин йиллик йирик матбуот анжуманида пайғамбар Муҳаммад (с.а.в.) ни ҳақорат қилиш ижод эркинлиги эмаслигини айтганди. Россия Президентининг сўзларига кўра, пайғамбар Муҳаммад (с.а.в.) ни ҳақорат қилиш “диний эътиқод эркинлигини бузиш ва ислом динига эътиқод қилувчиларнинг муқаддас туйғуларини бузишдир”.
Тасодифий хабарлар
2019-yilning eng mashhur YouTubechilari
Вазирлар Маҳкамаси тузилмасида тайинлов амалга оширилди
Россия самолёти Тошкентда фавқулодда қўнишга мажбур бўлди
Адлия вазири: «Ходимнинг розилиги бўлса ҳам маошдан коммунал тўлов учун пул олиб қолиш мумкин эмас!»
Умуртқалараро диск чурраси: Касалликни операциясиз даволаш мумкинми?