Сирдарё вилоятининг сув тошган ҳудудларида уй-рўзғор буюмлари ва анжомлар ёқиб йўқ қилинмоқда. Фавқулодда вазиятлар вазирлиги ижтимоий тармоқларда турли талқинлар билан муҳокама қилинаётган фотосуратларга изоҳ берди.
«Сирдарё вилоятининг Сардоба, Оқолтин ва Мирзаобод туманларида юзага келган сув тошқини оқибатларини бартараф этиш ишлари давом эттирилмоқда. Ҳозирда бу майдонда иккиламчи тадбирлар амалга оширилмоқда.
Жумладан, оқим вақтида зарар етган ашёлар, уй хўжалиги буюмларини йиғиш, уларни ҳудуддан олиб чиқиш ва йўқотиш тадбирларини мисол қилиш мумкин. Чунки бундай воситалар қайта фойдаланиш учун яроқсиз ҳисобланиб, санитария-гигиена талабларига жавоб бермайди», – дейилади вазирлик ахборот хизмати хабарида.
Маълумот учун, ҳозирда тошқиндан талафот кўрган 541та уй таъмирдан чиқариляпти. Бунга 13 524 нафар ишчи ва 622та транспорт воситаси жалб қилинган
Тасодифий хабарлар
Россия толибларни террорчилар рўйхатидан чиқаради, фақат...
Наманган вилоятларида АҚШга ишга юборишни ваъда қилганлар ушланди
Метронинг “Космонавтлар” бекатида ёнғин содир бўлгани айтилмоқда
Наманганда хонадонни тунаган аёл қўлга олинди
Ўзбекистонда сохта табибларга жазо тайин бўлади