Афғонистонда ҳокимиятни қўлга олган “Толибон” ҳаракати мамлакатда янги, инклюзив ҳукуматни шакллантириш устида ишламоқда. Ҳаракат тез орада янгиланган ҳукумат таркибини эълон қилиши мумкин. Бу ҳақда Афғонистон муваққат Вазирлар Маҳкамаси раиси ўринбосари Абдул Салам Ҳанафий Қобулдаги элчихона вакиллари билан учрашувда маълум қилди.
“Инклюзив Вазирлар Маҳкамасини шакллантириш бўйича ҳаракатлар давом этмоқда ва бу ҳақдаги маълумотлар тез орада эълон қилинади”, дея таъкидлаган Абдул Ҳанафий.
Маълумот ўрнида, жорий йилнинг 6 сентябрь куни "Толибон" бутун Афғонистон ҳудуди устидан назорат ўрнатилганлигини, 7 сентябрда эса фақат ҳаракат аъзолари ва асосан Афғонистондаги энг йирик этник гуруҳ – пуштунлардан иборат муваққат ҳукумат тузилганини эълон қилди. Шу муносабат билан кўплаб давлатлар бу Вазирлар Маҳкамаси инклюзив эмаслигини айтиб, уни тан олиш масаласини кўриб чиқмади.
Айни пайтда "Толибон" вакиллари ўз ҳукуматини инклюзив деб билишлари ва унинг халқаро миқёсда тан олиниши учун барча шарт-шароит бажарилганлигини бир неча бор таъкидлаган.
Тасодифий хабарлар
Ўзбекистон банк соҳасида оғир йўқотиш юз берди
ЖССТ пандемиянинг иккинчи тўлқини ва унинг даҳшатли оқибатлари ҳақида огоҳлантирди
Ўзбекистонда 1 октябрдан машина бошқариш учун яқин қариндошлар ўртасида ишончнома бериш тартиби бекор қилиниши мумкин
1 сентябрдан Москва ва Москва вилоятидаги мигрантлар геолокация бўйича кузатиб борилади
Москвада коронавирусга чалинганлар даволанаётган 7 та касалхонага бомба қўйилгани айтилмоқда