Доналдсон ташкил этган ўйинда ғолибга бош ютуқ насиб этган бўлса, ҳар бир ўйинчига икки минг доллардан ва иккинчи ўринни олган иштирокчига ўн минг доллар берилди.
YouTubе платформасида 78,2 миллион обуначига эга бўлган блогер Жимми Доналдсон (MrBeast) Жанубий Кореянинг “Кальмар ўйини” сериалини саҳналаштирди. Лойиҳа давомида ҳеч ким жабрланмади, деб ёзади The New York Post.
Доналдсон ташкил этган ўйинда 456 иштирокчи 456 минг долларлик ютуқ учун беллашди.
Сериални қайта жонлантириш блогерга 3,5 миллион долларга тушди, бунинг 2 миллиони декорация ва 1,5 миллиони ютуқлар учун сарфланди.
Ғолибга бош ютуқ насиб этган бўлса, ҳар бир ўйинчига икки минг доллардан ва иккинчи ўринни олган иштирокчига ўн минг доллар берилди.
Мусобақа сериалдаги ўйинлар асосида ўтказилди.
Қайд этилишича, мағлуб бўлган ўйинчилар “йўқ қилинмади”, балки ўйиндан чиқиб кетди.
Жанубий Кореянинг “Кальмар ўйини” сериали омон қолиш ҳақида бўлиб, воқеалар замонавий Сеулда юз беради. 456 кишидан иборат гуруҳга йирик миқдордаги маблағни ютиб олиш имкониятини берувчи болалар ўйинларини ўйнаш таклиф этилади, аммо ўйинда ютқазганлар ҳаёт билан видолашишига тўғри келади.
Тасодифий хабарлар
Ўзбекистонда қуролдан фойдаланиш ёши оширилмоқда
2023 йилдан Ўзбекистон фуқароларига 2 тадан зиёд фарзанд кўришга чеклов ўрнатилаётгани ҳақида хабар тарқалди
Янги метро вагони томидан сув сизиб чиқди. «Тошкент метрополитени» бунга қандай изоҳ берди?
Ўзбекистон фуқаролигини олиш учун яна бир талаб жорий этилди
Спикер ва Наманган шаҳар хокими Намангандаги йирик корхона фаолияти билан танишишди