Ижтимоий тармоқларда Тошкент вилояти Бўстонлиқ тумани Оқтош қишлоғи ҳудудида 53 туп кўп йиллик дарахтлар ноқонуний кесилганлиги ҳақида хабар тарқалди. Экология ва атроф-муҳитни муҳофаза қилиш давлат қўмитаси мазкур хабарларга муносабат билдирди.
Маълум қилинишича, экология ва атроф-муҳитни муҳофаза қилиш соҳасидаги назорат бўйича Бўстонлиқ тумани инспекцияси ходимлари томонидан ўрганиш ишлари олиб борилган.
Натижада ҳудудда ўсиш ҳолатида бўлган жами 56 туп, шундан, 53 туп шумтол, 2 туп бақатерак, 1 туп қизил дўлана дарахтлари ноқонуний равишда кесилганлиги аниқланган. Ҳолат юзасидан холис гувоҳлар иштирокида белгиланган тартибда далолатнома расмийлаштирилган.
Қўмитанинг маълум қилишича, номаълум шахcларнинг ғайриқонуний ҳатти-ҳарракатлари натижасида ўсимлик дунёсига 288 млн 792 минг сўм миқдорда зарар етказилган.
Ҳолат юзасидан расмийлаштирилган ҳужжатлар қонуний баҳо бериш учун прокуратура органларига тақдим этилган.
Бош прокуратура Мабуот хизмати хабарига кўра, Оқтош қишлоғи ҳудудида кўп йиллик дарахтлар ноқонуний кесилгани (Ўсимлик дунёсига 288 млн.сўм зарар етказилган) ҳолати юзасидан Жиноят кодексининг 198-моддаси (Экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) билан жиноят иши қўзғатилган.
Тасодифий хабарлар
Блогер мурожаати сабаб фуқаронинг пенсияси қайта ҳисобланди
Ярим тунгача ёзилган маъруза, юракдаги армонлар, ўз сўзини айтаётган бошқа номзодлар
Евроиттифоқ Россияга қарши санкцияларнинг тўртинчи пакетини тайёрмоқда
Қўқонда департамент ходими юзига баллонча билан газ сепган долларфуруш ушланди
ИИВнинг Қўриқлаш бош бошқармаси Миллий гвардияга ўтказилди