Одамларни космосга ташиш бошланди

Тошкент вақти билан 16 сентябр, эрталаб 5:00 да "SpaceX" компаниясининг "Dragon" капсуласида тўртта фуқаро самога кўтарилади. Улар профессионал фазогир бўлмаган одамлардир.

Аввалроқ "Virgin Galactic" ва "Blue Origin" хусусий компаниялари ҳам космосга одам олиб чиққан эди. Бу парвозлар фазода бор-йўғи бир неча дақиқа давом этган холос.

"SpaceX" миссияси эса уч кун мобайнида ер сайёрасини кўплаб маротаба айланиб чиқади ва шундан кейин Aтлантика океанига тушади. Капсула Халқаро фазо марказидан ҳам баландроққа учиши кутиляпти.

Космосга чиқаётган бу одамлар учун "SpaceX" жами 200 миллион доллар олгани хабар қилинмоқда.