Фарғона вилояти Риштон туман тиббиёт бирлашмаси бошлиғи журналистларни ҳақорат қилгани хабар қилинганди. «Bugun.uz» мухбири бирлашма бошлиғининг ишдан бўшатилганини маълум қилди.
Маълум бўлишича, блогерлар тумандаги оилавий поликлиникаларда эмлаш ишларига узундан-узоқ навбатлар ҳосил бўлаётгани ҳамда ваксинация жараёнлари сифатли ташкил этилмаётгани ҳақида фотохабар жойлаштирган ва туман тиббиёт бирлашмаси раҳбари У.М. бунинг учун уларни хақорат қилган.
Таъкидланишича, тиббиёт бирлашмаси раҳбари ҳолат юзасидан узр сўраб, мурожаат қилган.
«Бугун ижтимоий тармоқларда тарқалган аудиоёзувга муносабат билдириб ўтмоқчиман. Мен айбни юз фоиз ўз бўйнимга оламан. Риштон туманида Баҳодир Элибоев деган блогеримиз бор. Ундан узр сўрайман. Унинг шериклари, умуман, барча блогерлардан узр сўрайман. Бу гапларни асабийлашиб, жахлим чиқиб гапириб юбордим. Биз улар билан келишиб олдик»,— дейди у.
Шунингдек, аудиода «товонини ялатгани» айтилган журналист ва блогер ёш шифокорни кечиришини айтиб, аудиоёзувда унга нисбатан ишлатилган сўзлар аслида бўлмаганини билдирган. Вилоят соғлиқни сақлаш бошқармасининг буйруғига асосан У.М. билан тузилган меҳнат шартномаси бекор қилинган.
Тасодифий хабарлар
Электр энергияси узилишида истеъмолчилар ҳам айбдорлиги айтилди
Ўзбекистонда коронавирусга чалиниш бўйича антирекорд янгиланди
Огоҳ бўлинг! Россияга кетиш учун авиачипталар сохта бўлиб чиқди
“Свет” ўчиши натижасида етказилган зарарни суд орқали ундириб олса бўладими?
Россия рублининг курси яна қулади