Ўзбекистон Республикаси мустақиллигининг 30 йиллиги муносабати билан Президент Шавкат Мирзиёев номига хорижий давлатлар ва ҳукуматлар, нуфузли халқаро ташкилотлар раҳбарлари, таниқли жамоат ва дин арбобларидан самимий қутловлар келмоқда.
Уларда хорижий ҳамкорларимиз мамлакатимизнинг истиқлол йилларидаги юксак муваффақиятларини алоҳида қайд этган. Кейинги йилларда демократик янгиланишлар, кўп миллатли халқимиз турмуш сифати ва фаровонлигини оширишга қаратилган кенг кўламли ижтимоий-иқтисодий ислоҳотлар дастурини амалга оширишдаги натижалар, шунингдек, янги Ўзбекистоннинг минтақадаги етакчи роли эътироф этилишига ва мамлакатимиз халқаро нуфузининг мустаҳкамланишига хизмат қилаётган конструктив ва прагматик ташқи сиёсатни олиб боришдаги ютуқлар таъкидланган.
Мактубларда давлатимиз раҳбарига янги муваффақиятлар, Ўзбекистон халқига эса тинчлик-осойишталик, фаровонлик ва равнақ тилаклари изҳор этилган.
Қутлов эгалари рўйхатида БМТ бош котиби Антониу Гутерриш, ХХР раиси Си Цзинпинь, Россия президенти Владимир Путин, АҚШ президенти Жо Байден, Қозоғистон биринчи президенти Нурсултон Назарбоев ва амалдаги раҳбар Қосим-Жўмарт Тўқаев, Тожикистон президенти Эмомали Раҳмон ва бошқалар бор.
Тўлиқ рўйхат билан ушбу ҳаволада танишишингиз мумкин.
Тасодифий хабарлар
Тошкентдан Туркияга фоҳишалик учун кетаётган аёл тўхтатиб қолинди
Эртага Ўзбекистонда ҳаво ҳарорати 30 даражагача исийди
Чехия Бош вазири Ўзбекистонга келади
Наманганда қайнота келинини пичоқлаб, ўлдириб қўйди
Қанча оёқ, қўл, бош учиб кетиши керак? – Зеленский АҚШдан Украина узра парвозни тақиқлашни сўраяпти