Танзила Норбоева муфтий Усмонхон Алимов вафоти муносабати билан таъзия билдирди

Сенат раиси Танзила Норбоева муфтий Усмонхон Алимов вафоти муносабати билан унинг яқинлари ва оила аъзоларига таъзия билдирди. Буни у ўз Telegram каналида маълум қилди.

Унда айтилишича, Танзила Норбоева Ўзбекистон Мусулмонлари идораси раиси, муфтий Усмонхон Темирхон ўғли Алимовнинг вафоти муносабати билан яқинлари ва оила аъзоларига чуқур ҳамдардлик билдирган. Марҳум нафақат Ўзбекистон, балки дунё миқёсидаги обрў-эътиборли уламолардан бири бўлганини таъкидлаган.

«Муфтий ҳазратларининг динимиз ривожига, шу билан бирга илм-маърифат, зиё таратишда ҳамда юртимизда зиёратгоҳлар, мадраса масжидларнинг қад кўтаришидаги хизматлари беқиёсдир», — деб ёзган у Telegram каналида эълон қилинган постида.