Тошкент вилоятида профилактика инспекторини пичоқлаган 18 ёшли йигит қўлга олинди

Тошкент вилоятида профилактика инспекторини пичоқлаган 18 ёшли йигит қўлга олинди

Тошкент вилояти Олмалиқ шаҳрида профилактика инспекторини пичоқлаган фуқаро аниқланди. Бу ҳақда вилоят ИИББ матбуот хизмати хабар бермоқда.

Қайд этилишича, профилактика инспектори Азамат Акбаров ҳамда унинг ёрдамчисига навбатчилик қисмидан жанжал бўлаётгани ҳақида хабар келиб тушади. Шундан сўнг, улар воқеа жойига етиб бориб, 5–6 нафар фуқаро иштирокидаги жанжални бартараф қилишган.

Аммо, жанжал иштирокчиларини хизмат машинасига ўтказиб, олиб кетмоқчи бўлган бир пайтда номаълум шахс инспекторнинг ортидан ўткир тиғли пичоқ билан ҳужум қилган. Натижада эса у қўл-билак соҳасидан яраланган.

Ўтлазилган тергов ҳаракатлари натижасида Олмалиқ шаҳрида яшовчи 18 ёшли Мардон Умматалиев қўлга олинган. У бундан беш кун аввал 2004 йилда туғилган таниши Аброр Акромов билан дўкондан 13,5 млн сўмлик мобил телефонга керакли жиҳозларни ўғирлагани фош этилган.

Ҳолат юзасидан жиноят иши қўзғатилиб, суриштирув ишлари олиб борилаётгани айтилган хабарда

×