Самарқанд шаҳридаги савдо маркази ҳудудида хотинини хиёнатда гумонсираб, уни ва у билан бирга бўлган эркакни пичоқлаб ўлдирган шахсга 22 йил муддатга озодликдан маҳрум қилиш жазоси тайинланди.
2020 йилнинг 20 ноябрида соат 18:00 атрофида Паст Дарғом туманидан бўлган шахс Самарқанд шаҳрининг Мирзо Улуғбек кўчасида жойлашган савдо маркази ҳудудида қотиллик содир этганди. У ўз хотинини ва у билан бирга бўлган эркакни савдо марказида пичоқлаган, жабрланганлар ўткир қон йўқотиши натижасида воқеа жойида вафот этганди.
Шу кунларда мазкур иш юзасидан олиб борилган тергов ҳаракатлари якунланиб, иш судда кўриб чиқилди. Жиноятчи Жиноят кодексининг 97-моддаси 2-қисми «а» ва «ж» бандлари (икки ёки ундан ортиқ шахсни ўта шафқатсизлик билан қасддан ўлдириш) билан айбли деб топилиб, 22 йил муддатга озодликдан маҳрум қилиш жазоси тайинланди. Жазони умумий тартибли колонияларда ўташ белгиланди.
Жазо муддати 2020 йил 20 ноябр кунидан бошлаб ҳисобланиши маълум қилинди.
Тасодифий хабарлар
Жиззахда “иссиқ-совуқ”чи ушланди. Унинг рўйхатида ҳокимлик ва депутатликка даъвогарлар ҳам бўлган
“Kelajakka maktub”: Islandiyada ilk bor muzlik erib ketdi
“Ҳудудий электр тармоқлари” АЖ 398 млн сўмга Trailblazer сотиб олгани маълум бўлди
Шавкат Мирзиёев Глобал аксилтеррор стратегияси бўйича халқаро конференция иштирокчиларига мурожаат йўллади
Эрон ва Исроил ўртасида сулҳ кучга кирди