1 октябрдан нарҳлар кўтарилиши кутилмоқда

“Алкоголь маҳсулотлари учун энг кам улгуржи-сотиш ва чакана нархларга ўзгартиришлар киритиш ҳақида”ги қарор Адлия вазирлиги томонидан давлат рўйхатидан ўтказилди (рўйхат рақами 3188-1, 29.09.2020 й).

 Ҳужжатга мувофиқ, қуйидаги нархлар белгиланди:

— винонинг 1 литр тайёр маҳсулоти учун:

• ишлаб чиқарувчи корхоналарнинг энг кам улгуржи-сотиш нархи – 9 400 сўм (илгари 8 600 сўм);
• энг кам чакана нарх – 11 200 сўм (илгари 10 200 сўм).

— коньякнинг 1 литр тайёр маҳсулоти учун: 

• ишлаб чиқарувчи корхоналарнинг энг кам улгуржи-сотиш нархи – 33 000 сўм (илгари 31 000 сўм);
•  энг кам чакана нарх – 39 000 сўм (илгари 36 600 сўм).

— ароқ ва бошқа алкоголли маҳсулотларнинг 1 литр тайёр маҳсулоти учун:

•  ишлаб чиқарувчи корхоналарнинг энг кам улгуржи-сотиш нархи – 24 000 сўм (илгари 22 000 сўм);
•  энг кам чакана нарх – 28 500 сўм (илгари 26 000 сўм). 

Мазкур қарор 2020 йил 1 октябрдан кучга киради.