Ўзбекистонда байрам кунлари ходимларнинг ишга чақирилиши қонунчиликда ман этилган. Байрам кунларида ишлаган ходимлар учун 2 баробар миқдорда ойлик тўланиши белгилаб қўйилган. Бу ҳақда Aдлия вазирлиги Матбуот хизмати раҳбари Севара Ўринбоева маълум қилди.
“Қонунларга кўра, ходим байрам кунлари иш берувчи томонидан ишга жалб қилиниши мумкин эмас. Байрам (ишланмайдиган) кунлари ишлаш ман этилади. Ходимларни шу кунлари иш берувчининг фармойиши билан ишга жалб этишга алоҳида ҳолларда, яъни жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланган асослар бўйича ва тартибда йўл қўйилади” деди Севара Ўринбоева.
Вазирлик ходимининг сўзларига кўра, байрам кунларидаги ишлар учун камида икки ҳисса миқдорида ҳақ тўланади. Тўланадиган ҳақнинг аниқ миқдори жамоа шартномасида, агар у тузилмаган бўлса, иш берувчи томонидан касаба уюшмаси қўмитаси ёки ходимларнинг бошқа вакиллик органи билан келишиб белгиланади.
Маълумот ўрнида, бу йилги Мустақиллик байрамида ишчи ходимлар учун 3 кунлик дам олиш куни белгиланган.
Тасодифий хабарлар
Qozog‘istonda O‘zbekiston fuqarosi avtobus urib ketishi oqibatida vafot etdi
50 ёшли аёл Намангандаги бозорда талончиликка қўл урди
«Ўзгидромет»: бошланган ҳафтада қандай об-ҳаво кузатилишини маълум қилди
Асли ўзбекистонлик "вор в законе" Ботир Бухарский ушланди
Зарина Низомиддинова: Агар мен ҳақимда гапиришдан тийилишса, машҳурлик шоҳсупасини тарк этибман деб ҳисоблайман