Наманган вилояти Чортоқ туманида 2020 йил 6 августда йўқолиб қолган 15 ёшли қиз 24 август куни топилди. Бу ҳақда Наманган вилояти ИИБ ахборот хизмати хабар берган.
15 ёшли қиз 6 август куни соат 17:30 ларда онасига ҳамроҳ бўлиб туман ҳокимлиги биносига борган. Онаси бино ичига кириб кетганидан сўнг у ҳеч бир сабабсиз номаълум томонга кетиб қайтиб келмаган.
Қиз ота-онасининг ариза ва кўрсатмаларига асосан вилоят ИИБ ППХ ва ЖТСБ ППХБ 4-отряд ходимлари томонидан олиб борилган қидирув ва суриштирув ишлари натижасида 24 август куни Наманган шаҳар 2-кичик туманида юргани аниқланган. У тегишли ҳужжатлар асосида ота-онасига топширилди, дейилади хабарда.
Шунингдек, хабарга кўра ИИО ходимлари томонидан қиз ва унинг ота-онаси билан профилактик суҳбат ўтказилган, вояга етмаган фарзандлар ҳаракатига диққат-эътиборни янада ошириш лозимлиги тушунтирилган.
Аввал Тошкент шаҳри Олмазор тумани, «Шифокор» маҳалласида яшаган 1994 йилда туғилган Искандарова Меҳрибону Тўхтасин қизи 6 август соат 8:30 ларда уйидан чиқиб кетиб, қайтиб келмагани ва қидирувга берилгани ҳақида хабар қилинган. Кейинчалик 11 августда Тошкент шаҳар ИИББ аёлнинг топилгани, аҳволи яхшилиги ва хавотирга ўрин йўқлигини маълум қилган.
Тасодифий хабарлар
Европа Россия газини санкцияларни бузмасдан сотиб олиш режасини ишлаб чиқди
Қуйи Чирчиқ депутати Бахтиёр Джаникулов вафот этди
Сўзлар амалга кўчмади. Саудиядаги саммитда Исроилга санкция қўлланмади
Суд Алишер Усмоновни “Путиннинг севимли олигархи” деб аташни тақиқлади
Соғайганлар 32 мингдан, касалланганлар 36 мингдан ошди