Aндижонда ука турмуш ўртоғини калтаклаётган акасини тўхтатиб, унинг ўзига жароҳат етказди. Бу ҳақда ИИВ ҳузуридаги Тергов департаменти хабар берди.
Aниқланишича, жорий йилнинг 14 август куни соат 18:00 да Г.К. ўзи келин бўлиб тушган, аммо оилавий низо туфайли ҳозирда яшамай келаётган Хўжобод туманида жойлашган уйга фарзандларининг кийимларини олиш мақсадида борган.
Г.К. ва унинг турмуш ўртоғи Қ.К. уйда яна ўзаро жанжаллашганлиги сабабли Қ.К., турмуш ўртоғи Г.К.нинг бош қисмига ёғоч билан уриб тан жароҳати етказган. Шу вақтда ҳовлидаги шовқинни эшитган Қ.К.нинг укаси И.К. чиқиб, акасини танасининг турли жойларига қўли билан урган. Кейин эса ҳовлида бўлган таёқ билан ҳам бош қисмига тушириб, тан жароҳати етказган.
Суд тиббий экспертизанинг маълумотларига кўра, Г.К. ва Қ.Қ. соғлиқни бузилишига олиб келган “енгил” тан жароҳатларини олганлиги аниқланган.
Ҳолат юзасидан Хўжаобод тумани ИИБ ҳузуридаги Тергов бўлинмаси томонидан Ўзбекистон Республикаси Жиноят кодексининг 109-моддаси 2-қисми (қасддан баданга енгил шикаст етказиш) билан жиноят иши қўзғатилган. Ҳозирда тергов ҳаракатлари давом этмоқда.
Тасодифий хабарлар
Ўзбекистонда йилига 500 минг дона BYD ишлаб чиқарилади
Ўзбекистонда ишсизлик 13,2 фоизга етди
Тезкор: Тўрақўрғон марказий шифохонаси карантинга олинди
Қозоғистонда ЙТҲга учраган ўзбекистонликларни эвакуация қилиш учун махсус ишчи гуруҳ юборилди
АҚШ Ўзбекистонга Яқин Шарқдан аёллар ва болаларни қайтаришда кўмак бермоқчи