Коронавирусга чалинган аёл боласини эмизиши мумкинми?

Эмизадиган аёл коронавирус бўлса, боласини эмизмайдими? Бу саволга Коронавирусга қарши курашиш штаби аъзоси Ҳабибулла Оқилов жавоб берди.

Жаҳон соғлиқни сақлаш ташкилотининг тавсияларига кўра, эмизадиган аёл коронавирус касаллигига чалинган бўлса, у барча гигиеник қоидаларига риоя этган ҳолда, боласини эмизиши мумкин.

Бунинг учун аёл қўлларини яхшилаб совунлаб ювиб, уларга дезинфекция воситалири билан ишлов бериб, юзига тиббий ниқоб тақиб имкон доирасида бола томонига эмас, қарама-қарши томонга қараб нафас олиши лозим.