Инсонларнинг 50 фоиздан ортиғи инфекцияга чалинса, коронавирус эпидемиясининг тарқалиши камая бошлаши мумкин. Aгар инсонларнинг маълум бир қисми аввал бошидан ушбу вирусга қарши иммунитетга эга деб тахмин қилинса, коллектив иммунитетни ривожлантириш учун зарур бўлган фоиз миқдори бундан ҳам камроқ бўлиши мумкин. Бу ҳақда иммунология ва эпидемиология соҳасидаги экспертларга таяниб, “РБК” хабар берди.
Тиббиёт фанлари доктори, Мечников номидаги илмий-тадқиқот институтининг ваксинопрофилактика лабораторияси мудири Михаил Костиновнинг сўзларига кўра, яхши иммунитет қатлами учун 75 фоиз касалланганлар керак. Унинг таъкидлашича, бу каби рақамлар грипп билан касалланиш ҳолатини ўрганиш давомида орттирилган тажрибалардан олинган.
“50 фоиз касалланиш ҳам вирус тарқалишини тўхтатади, бироқ унинг самараси кам. Aҳолини ваксинациялаш кўлами 25-35 фоизни ташкил этса, эпидемия ҳеч ерга кетмайди. Aммо коронавирус бошқа инфекциялардан бироз фарқ қилади, шу сабабли иммунитет қатлами 75 фоиз бўлса-да, барибир хавф гуруҳида одамлар қолаверади”, — дейди Костинов.
Шу билан бирга, Костиновнинг таъкидлашича, ваксинация “дунёни қутқармайди” ва шахсий гигиенага риоя қилишни, сурункали касалликларни даволашни давом эттириш керак.
“Шунга қарамай, ваксинациясиз ушбу инфекция ривожланишини тўхтатишнинг илож йўқ. Табиий иммунитет пайдо қилинган тақдирда ҳам хавф сақланиб қолади, чунки аҳоли орасида кексалар, сурункали касалликка эга инсонлар ва иммунитетида нуқсони борлар мавжуд”, — дейди эксперт.
Тасодифий хабарлар
Ўзбекистонда 2021 йил 20 та халқаро мусобақа ўтказилади
АҚШда 17 минг ўзбекистонлик бошпана берилишини кутмоқда – ОАВ
Ўзгидромет ҳаво совиши ҳақида шошилинч ахборот эълон қилди
Қирғизистонда диний партияларни тақиқлаш таклиф қилинмоқда
Алишер Усмонов дунё бойлари рейтингида кўтарилди