Қирғизистон Бош вазирининг биринчи ўринбосари Кубатбек Боронов ва Ўзбекистон Бош вазири Абдулла Арипов Боткен вилоятининг «Чечме-Автодорожный» назорат ўтказув пунктида учрашув ўтказди.
Учрашув давомида бир кун олдин икки давлат чегара ҳудудидаги қишлоқлар аҳолиси ўртасида юз берган тўқнашув муҳокама қилинди.
Учрашувда томонлар чегарада юз берган кўнгилсиз воқеа учун афсусда эканини билдирган. Унинг авж олиб кетмаслиги, кескинликни юмшатиш ва кейинчалик бундай ҳолатларга йўл қўймаслик учун чора-тадбирлар кўришга келишиб олишди.
Кубатбек Боронов ва Абдулла Арипов икки томонлама ҳамкорлик ва бошқа долзарб масалаларда фикр алмашди.
Томонлар ҳодиса бўйича биргаликда тергов ҳаракатлари олиб боришга келишиб олди.
Эслатиб ўтамиз, 31 май куни Сўх тумани чегарасида яшовчи аҳоли ўртасида можаро келиб чиққан эди.
Шунингдек, кейинроқ ҳукумат раҳбарлари ўзаро учрашув ўтказиши ҳам белгиланганди.
Тасодифий хабарлар
UFC президенти: Тони билан жангнинг бекор бўлишида Ҳабибнинг айби йўқ
Президент Қашқадарё вилояти ҳокимининг биринчи ўринбосарини ишдан олишга кўрсатма берди
Мессининг биринчи ўқитувчиси шогирдига хат ёзди
Актёрга нисбатан чора кўрилди
АҚШ Эроннинг ядровий дастурини 2 йилга орқага сурди – Пентагон