Украина Президенти маъмурияти раҳбарининг маслаҳатчиси Михаил Подоляк ўз Twitter саҳифасида Путиннинг урушдаги мақсадлари, нимани кутаётгани, нималарни режа қилгани ҳақида ёзди.
Подолякка кўра, Путин урушнинг чўзилиши ва Украинадаги вазиятнинг ички беқарорлашувига умид қилмоқда. У ҳарбий можарони сунъий равишда чўзиш орқали Украина ҳарбийлари ва тинч аҳолини чарчатишни мақсад қилган. Подоляк Путин Украинанинг ғарбдаги иттифоқчиларининг иқтисодий тизими қулаши ва инқироз даврига киришини кутаётганини таъкидлаган.
“Россия раҳбари шу тариқа Украинанинг хорижий кўмакка боғлиқ бўлган мудофаа қобилиятини сусайтиришга умид қилмоқда. Россия Украинанинг таслим бўлишига ички қарама-қаршиликларни кучайтириш орқали эришиш мумкинлигига ишонмоқда. Шу мақсадда Россия дунёнинг турли мамлакатларида “урушга қарши” манипулятив ҳаракатларни ташкил қилмоқда. Уларда Украина кучлари томонидан ўт очишни тўхтатиш ва тинчлик эвазига босиб олинган ҳудудларни Россияга топширишдан иборат бўлган шиорлар янграмоқда”, дейди Михаил Подоляк.
Тасодифий хабарлар
Германия қордан қочиб, дўлга тутилиши мумкин
Ўзбекистонда «Тўйиб овқатланмайдиганлар улуши» кўрсаткичи қандай?
Жиззахлик эркак бир гуруҳ одамни ўққа тутди
Кўплаб мухокамаларга сабаб бўлаётган кўчалардаги камералар юзасидан транспорт бошқармаси маълумот берди
Самарқандлик фуқаро поликлиникага мурожаат қилди ва унда коронавирус аниқланди