Саудия Арабистони ҳукумати мамлакат ҳудудида янги турдаги коронавирус инфекцияси тарқалишининг олдини олиш мақсадида бир қатор чоралар кўрди. Бу ҳақда подшоҳлик Ташқи ишлар вазирлиги маълум қилди.
Хусусан, Саудия ҳукумати мамлакатга Умра амалини бажариш учун келадиган зиёратчиларнинг мамлакатга киришини вақтинчалик тақиқлади.
#Statement | Proactive Preventive Measures to Prevent the Arrival of the New Coronavirus (#COVID19) to the Kingdom pic.twitter.com/fuBAWq19Du
— Foreign Ministry ?? (@KSAmofaEN) February 26, 2020
Бундан ташқари, Саудиянинг «ваколатли соғлиқни сақлаш органлари таснифига мувофиқ коронавирус тарқалиши аниқланган» мамлакатлардан келаётган сайёҳларнинг подшоҳликка киришига вақтинча тақиқ қўйилган.
Мамлакат Ташқи ишлар вазирлиги баёнотига кўра, Саудия Арабистони коронавирусга қарши кураш доирасида бошқа мамлакатлар ва халқаро ташкилотлар, айниқса, Жаҳон соғлиқни сақлаш ташкилоти (ЖССТ) кўраётган чораларни қўллаб-қувватлашга тайёр.
Янги турдаги коронавирус инфекцияси 2019 йил декабрь ойи охиридан Хитойнинг Ухань шаҳрида тарқала бошлаган эди. ЖССТ уни кўплаб ўчоқларга эга эпидемия деб баҳолаб, халқаро миқёсдаги фавқулодда вазият дея тан олган. Ҳозирда Хитойдан ташқари яна 42 мамлакатда коронавирусни юқтириб олган беморлар аниқланган.
Хитойнинг ўзида коронавирусни юқтириб олганлар сони 80 мингга яқинлашган, қурбонлар сони салкам 3 минг кишига етган.
Тасодифий хабарлар
Самарқандлик 61 ёшли фуқаро бензин ташувчи машинани тўхтатиб, катта фожеанинг олдини олди
“Шайтанат” тўхтатилди. Сабаб эса аниқ
Хайрулло Бозоров Наманган шаҳрида 9 кунлик таътил эълон қилди
Шавкат Мирзиёев яна китоб ёзди
У ДУНЁДАН “ҚАЙТИБ КЕЛГАН” ЙЎЛДОШЕВ ёки “Озодлик” нинг навбатдаги найранглари ҳақида (ВИДЕО)