Қозоғистонда юз берган авиаҳалокат ҳақида сўнгги маълумотлар эълон қилинди

Айни вақтда 49 инсон касалхонада қолмоқда, уларнинг етти нафари оғир аҳволда, 42 нафарининг, шу жумладан болаларнинг ҳам аҳволи барқарор, деб хабар қилмоқда Sputnik нашрига Олма-Ота жамоатчилик саломатлиги бошқармаси раҳбари Тлеухан Абильдаевга таянган ҳолда.

Олма-Отадаги авиаҳалокат ҳақида энг сўнгги маълумотлар:

* Олма-Ота касалхоналарида 49 киши қолмоқда, уларнинг етти нафари оғир аҳволда

* самолётнинг ҳалок бўлган кема командири Марат Муратбаев 20 141 парвоз соатига эга бўлган. Иккинчи учувчи оғир аҳволда

* борт қора қутиларини Москвага юборишади. Уларнинг расшифровкаси билан Давлатлараро авиация қўмитаси шуғулланади

* авиаҳалокатнинг учта асосий сабаблари айтилмоқда: учувчи хатоси, техник носозлик ва ноқулай метеошароит

* фожианинг дастлабки версияси 10 январга қадар эълон қилинади

* Bek Air'нинг бекор қилинган рейсларига чипта харид қилган йўловчиларига маблағлар қайтарилмоқда, шунингдек, чипталар бошқа авиакомпаниялар чипталарига алмаштирилмоқда

* ҳалок бўлган ва жабрланган йўловчилар оилаларига ёрдам учун ҳисоб рақами очилган.

Bek Air компанияси самолёти 27 декабрь куни Олма-Ота яқинида ҳалокатга учради. Ўн икки киши ушбу фожиа қурбонига айланди.