Ижтимоий тармоқларда Тошкент аҳолиси пойтахт кўчаларида Покистондан келган тиланчилар кўпайганини маълум қилмоқда. Facebook’даги «Potrebitel.uz» гуруҳи аъзолари Дарҳондаги собиқ «Россия» меҳмонхонаси, «Чорсу» ва «Госпиталний» бозорларида тиланчилар кўпайганини ёзмоқда.
Таъкидланишича, покистонликлар якка ва оила-оила бўлиб юрмоқда. Инглиз ва ўзбек тилида сўзлашиб, «50 минг сўм бер» жумласини ёдлаб олган. Ҳаммаси бир хил 50 минг сўм сўраяпти, агар кимдир берса, 100 минг сўм сўрашга ўтган. 20 минг сўм берилганида эса хўмрайиб олмоқда.
Айрим тиланчилар кўчаларда юрган бўлса, айримлари офис ва дўконларга кирмоқда. Баъзи пойтахт аҳолиси улар билан инглиз ва ҳатто урду тилида суҳбат қурган. Уларни Покистон элчихонасигача олиб бориб қўйиш борасидаги ёрдамни улар мутлақо рад этган. Айтишларича, самолёт орқали парвоз қилиш қиммат, шу сабабли Термизгача кетиш учун пул тўпламоқда. У ердан Афғонистон орқали Покистонга етиб олишмоқчи.
«Барча улардан бу ерга қандай қилиб келиб қолганликларини сўрамоқда. Кимдир уларни Тошкентга олиб келиб, ташлаб кетдими? Тиланчиларнинг сўзларига кўра, улар Тошкентга пул ишлаш мақсадида туристик виза орқали келган, ҳеч ким олиб келмаган. Эҳсон қилган кўплаб инсонларнинг айтишича, покистонликлар ҳозирга қадар Парижга етиб оладиган пулни йиғиб бўлган», — дейилади хабарда.
Тасодифий хабарлар
Наманган, Хоразм ва Навоийда 10 млрд.дан ортиқ ноқонуний қурилиш ишлари аниқланди
Қибрайда қулупнай майдони мажбурий бузилганини ҳокимлик тан олди. Ҳосил нега бундай увол қилингани ва бошқа саволлар очиқ қолди
Коронавирус! Наманганда 11 нафар бемор тузалди
Намангандан Сирдарёга кўмак карвони юборилди (фото+видео)
Мирзиёев “свет” ва газ муаммосидан яхши хабардор. У оддий маҳаллада яшашини айтди