Ўзбекистонлик Отабек ва унинг оиласи 27 ноябр куни ўзларининг олти кишилик хусусий учоғида Торонтодан 200 км шарқда ерлашган Кингстон шаҳрига учиб, манзилга бир километрча қолганида қулаб тушишди. 7 киши вафот этди. Улар орасида 3 нафар бола бўлган. Бу ҳақда Канадада яшаётган колумнистимиз Бахтиёр Шоҳназар хабар бермоқда.
Ҳаво булутли ва жуда кучли шамол эсаётган бўлган. Ҳозирча учоқ нега қулагани сабаби айтилгани йўқ.
"Отабек билан ўтган март ойида Чикагода ўтказилган Наврўз байрамида танишиб, гаплашгандик. Мен унга ўғлим учувчилигини айтсам, "менинг ҳам учоғим бор, Ҳюстондан ўзим учиб келдим" деганди.
Раҳматлик жудаям хайрсевар киши эканлигини эшитгандим.
Учоқ ҳалокатида Отабекнинг хотини, ўғли, қизи ва Торонтода яшовчи қариндоши Аллоҳнинг раҳматига қовушди.
Яқинларига сабр-тоқат беришини, жойллари жаннатда бўлишини дуо қилиб қоламиз" деб ёзди Бахтиёр Шоҳназар.
Knopka.ca сайтининг ёзишича, ҳалокатга учраган Piper PA-32R енгил моторли самолётини излаб топишга бир неча соат сарфланди. Самолёт етиб бориш қийин, ботқоқ ерга қулаган.
Сўнгги маълумотларга кўра, Piper PA-32R самолёти АҚШда рўйхатдан ўтказилган, Баттонвил аэропортидан Торонтога йўналган.
Тасодифий хабарлар
«Ўша куни ишдан олиб ташладим» – Президент Миришкорнинг собиқ ҳокими ҳақида гапирди
Ҳажда элликбошилик қилаётган ўзбекистонлик имом вафот этди
Қозоғистон 13 йилдан бери қидираётган ўзбекистонлик Россияда ушланди
Тошкент давлат педагогика университети талабасида коронавирус аниқланди
Наманганда автомашина каналга тушиб кетди, ҳайдовчи ҳалок бўлди!