Хитой Халқ Республикаси Қозоғистонда қасддан тартибсизликларни келтириб чиқараётган ташқи кучларга қатъий қаршилик кўрсатади. Бу ҳақда мамлакат раҳбари Си Цзинпиннинг Қозоғистон Президенти Қосим-Жомарт Тўқаевга йўллаган мурожаатида айтилган.
“Хитой барқарорликка путур етказувчи ва Қозоғистон хавфсизлигига таҳдид солувчи ҳар қандай кучларга қатъий қарши чиқади”, деган Си Цзинпин ўз мурожаатида.
Шунингдек, ХХР раисининг қайд этишича, мамлакат Хитой-Қозоғистон дўстлигига путур етказиш ва икки давлат ўртасидаги ҳамкорликка халақит бериш учун қилинган ҳар қандай уринишларга қатъий қарши.
“Хитой Қозоғистонда қасддан беқарорлик келтириб чиқарадиган ва рангли инқилобни қўзғатаётган ташқи кучларга қатъий қаршилик кўрсатади”, дейилади мурожаатда.
Шу билан бирга мурожаатда қардош қўшни ва ўзгармас стратегик шерик бўлган Хитой Қозоғистонга зарур ёрдам кўрсатиш ва қийинчиликларни енгиб ўтишда қўлидан келган барча ишни қилишга тайёрлиги ҳам таъкидланган.
Тасодифий хабарлар
"Apple" iPhone 12 вa 12 Pro қурилмаларида нозослик борлигини маълум қилди
Коронавирус ёзда бутунлай йўқ бўлиб кетадими?
Юнусободда собиқ ИИББ ходими уриб юборган бола шифохонада оламдан ўтди
“Наманган сув қурилиш инвест” ДУК манфаатлар тўқнашувига йўл қўйгани аниқланди
Журналистнинг қонуний фаолиятига тўсқинлик қилганлик учун жиноий жавобгарлик белгиланади