Туркманистон президенти Сердар Бердимуҳамедов Рамазон ойидаги «Қадр кечаси» муносабати билан 356 нафар маҳбусни афв этди. Президент фармонида жиноят содир этгани учун судланган, бироқ қилмишидан пушаймон бўлиб, чин дилдан тузалиш йўлига ўтган фуқаролар озодликка чиқарилиши айтилган.
Шаҳар ва туман ҳокимликлари раҳбарларига афв этилган Туркманистон фуқароларини ишга жойлаштириш чораларини кўриш бўйича топшириқлар берилган.
Сердар Бердимуҳамедов тез орада қамоқхонани тарк этувчи фуқароларга «виждонан меҳнат қилиб, мамлакатда амалга оширилаётган кенг кўламли ўзгаришларда иштирок этиш, Ватанга сидқидилдан хизмат қилиш, ўз меҳнати самарасидан баҳраманд бўлиб яшашни» тилади.
Қайд қилинишича, шу тариқа, сўнгги бир неча йил ичида республиканинг 20 мингдан ортиқ муқаддам судланган фуқаролари озод этилган.
Тасодифий хабарлар
Наманганда тадбиркорга дўкон қуриши учун ер ажратиб бериш эвазига 700 доллар пора сўраган маҳалла раиси қўлга олинди
Namanganda “Pop savdo markazi”ni qurgan tadbirkorga “tosh otilmoqda”
Португалия жаҳон чемпионатида ўйнашига ишонаман – Роналду
Директор лавозимига буйруқ чиқариб бермоқчи бўлган шахс пора билан қўлга олинди
Янги Наманган тумани ҳокимлиги ташкил этилди