Эрон Олий раҳнамоси Москвага қочмоқчилиги айтилди

Эрон Олий раҳнамоси Оятуллоҳ Али Хоманаий Теҳрондаги норозиликлар кучайиб, армия ва хавфсизлик кучлари душман томон ўтиб кетса ёки буйруқларни бажармаса, шаҳарни тарк этиш режасини ишлаб чиққан. Бу ҳақда Эрондаги расмий манбаларга таяниб, “The Times” журнали хабар берди. https://www.thetimes.com/world/middle-east/article/iran-ayatollah-khamenei-escape-moscow-protests-revealed-h5f95ctb5

Нашрнинг ёзишича, 86 ёшли Хоманаий атрофидаги энг яқин 20 ёрдамчи ва оила аъзолари билан бирга мамлакатни тарк этишни режалаштирган.

“Б режа” Хоманаий ва унинг энг яқин атрофидагилар, жумладан фарзанди ва тахминий вориси Мужтабо учун мўлжалланган. 

Исроил разведкаси вакили Бени Сабтининг айтишича, Оятуллоҳ Москвага қочиши мумкин, чунки борарга бошқа жойи йўқ. Нашр шунингдек, Суриянинг собиқ президенти Башар Асаднинг Россияда бошпана топгани мисолини келтирган. Россия Президенти матбуот котиби Дмитрий Песков Асаднинг Россияда қолиши шахсий қарори эканини айтганди.

Хоманаийнинг энг яқин ёрдамчиларидан кўпчилиги, жумладан Миллий хавфсизлик кенгаши котиби Али Ларижанийнинг чет элда, шу жумладан АҚШ, Канада ва Дубайда қариндошлари борлиги таъкидланган.

Разведка ҳисоботига кўра, Хоманаий соғлиғи ўтган йилги Исроил билан 12 кунлик урушдан кейин анча оғирлашиб қолган ва охирги кунларда оммавий тадбирларда деярли кўринмаган. Ушбу қаршилик давомида у бундай вазиятларда бармоқ билан назорат қилган.  

АҚШ Президенти Дональд Трамп эса Эрон бўйича норозиликлар, айниқса, нархлар ошиши сабабли юзага келган намойишлар зўравонлик билан бостирилса, Америка аралашувга тайёрлигини билдирган. Бунга жавобан Миллий хавфсизлик кенгаши котиби Али Ларижаний АҚШнинг Эрон ички ишларига аралашуви бутун минтақада барқарорликни бузишини айтиб, бу Америка манфаатларига зарар етказишидан огоҳлантирган.