Ижтимоий тармоқларда кечаси Фарғона вилояти ҳокими томонидан видеоселектор йиғилишига чақирилган мактаб ходимлари ЙТҲда ҳалок бўлгани ҳақида хабарлар тарқалди.
ИИВнинг хабарига кўра, ЙТҲ 29 сентябрь куни тахминан соат 20:45да Қўқон йўлида содир бўлган.
25-сонли мактабнинг директор ўринбосари М.Д. “Нексия” русумли автомашинасида йўлнинг ўртасига ўрнатилган бетон тўсиқ устига чиқиб кетган ва йўлни ёритувчи темир устунга урилган. Тўқнашувдан сўнг автомобиль ёниб кетган.
Натижада автомашина ҳайдовчиси ҳамда олди ўриндиқда бўлган 26-сонли мактабнинг директор ўринбосари У.Ш. воқеа жойида ҳалок бўлган.
Яна икки нафар йўловчилар — 38-сонли мактабнинг директор ўринбосари Т.Л. ва ХТБ қоровули М.Б.лар шифохонага жойлаштирилган.
ИИВ мактаб ходимлари Фарғона вилояти ҳокимиятидаги тунги йиғилишга чақирилганлиги ҳақидаги маълумотларни рад этди.
«29 сентябрь куни Фарғона вилояти ҳокимлигида йиғилиш ёки селектор ўтказилиши белгиланмаган, шунингдек ЙТҲга учраган ҳайдовчи ва йўловчилар ўзларининг шахсий юмушлари билан Данғара туманидан Қўқон шаҳрига кетаётган бўлган«, – дейилади хабарда.
Тасодифий хабарлар
Конституцияга қандай ўзгартиришлар киритилмоқда?
«Омикрон» штамми 57 мамлакатга кириб борди
МИБ ХОДИМИГА ҚАРШИЛИК КЎРСАТИЛГАНЛИГИ ЮЗАСИДАН
Фарғонада мушук гўштини сотганлар ушлангани тўғрисидаги хабарлар рад этилди
Россиядан қайтаётган мигрантларни 18 та мамлакатга юбориш чоралари кўрилмоқда