Ўзбекистонда ўлим сони кўпайиб, туғилиш камайди – статистика

Ўзбекистонда 2025 йилнинг январь-июнь ойларида туғлиши камайиб, вафот этиш сони ўсди. Бу ҳақда Миллий статистика қўмитаси хабар берди. 

Маълум қилинишича, туғилганлар сони 405,5 минг кишини ташкил этган. Бу эса 2024 йилнинг мос даврига нисбатан 14,4 минг нафарга камайганини кўрсатади. 

Вафот этганлар сони эса 84,1 минг кишини ташкил этган. Вафот этганлар сони 2024 йилнинг мос даврига нисбатан 2,7 минг нафарга кўпайган.

Қолаверса, мамлакатда туғилганларнинг 209,6 мингтаси (жами туғилганлар сонига нисбатан 51,7 фоиз) ўғил болалар, 195,9 минги (48,3 фоиз) эса қиз болалар саналади. 

Янги туғилганларнинг 207,7 мингтаси (51,2 фоиз) қишлоқ жойларида дунёда келган бўлса, 197,8 минг (48,8 фоиз) чақалоқ шаҳар ҳудудида туғилган.