Дам олиш кунлари об-ҳаво қандай бўлади?

Ўзгидромет 19-20 июль кунлари кузатиладиган об-ҳаво маълумотларини эълон қилди. 

Унга кўра, дам олиш кунлари Ўзбекистон ҳудудига жанубдан жуда иссиқ ва қуруқ ҳаво оқимлари кириб келиши давом этади.

Кундуз кунлари термометр устуни 40-43 даражагача, жанубда ва чўл ҳудудларда 44-45 даражагача кўтарилади.

Фақат республиканинг шимоли-ғарбий ҳудудларида иссиқ бироз пасайиши кутилмоқда. 20 июль куни Қорақалпоғистон Республикаси ва Хоразм вилоятида ҳарорат кундузи 35-38 даража иссиқни ташкил этади.

Республика бўйича баъзи жойларда шамол тезлиги 13-18 м/с гача кучайиши, чанг-тўзонлар билан кузатилиши мумкин.

Тошкент шаҳрида асосан булутсиз об-ҳаво кузатилади. Ҳаво ҳарорати кечалари 24-27 даража, кундуз кунлари 40-43 даража атрофида иссиқ бўлади.