Ўзбекистонда охирги 7 йилда йўлларни қуриш ва таъмирлашга 61 триллион сўм ажратилди. Бу ҳақда бугун, 9 июль куни Президент Шавкат Мирзиёев раислигида ўтказилаётган йўл ҳаракати хавфсизлигини таъминлаш ва тирбандликни камайтириш бўйича видеоселектор йиғилишида маълум қилинди.
Йиғилишда охирги 7 йилда бу борада кўп ишлар қилингани таъкидланди. Билдирилишича, йўлларни қуриш ва таъмирлашга 61 триллион сўм ажратилган. Бу 2017 йилгача берилган маблағлардан 3,5 баробар кўп.
Шунингдек, онлайн мурожаат тизими ишга тушиб, йўл ҳаракати хавфсизлиги бўлинмаларига келиш 50 фоизга камайган. Бундакн ташқари, 3 минг 365 нафар ЙҲХХ ходимига электрон планшет ва бодикамера олиб берилган. Қоидабузарликларни сунъий интеллект асосида саралаш ва қарор чиқариш амалиёти жорий қилинган.
Ҳайдовчилик ҳуқуқига имтиҳон, йўл чизиқлари чизиш, техник кўрик каби 8 та хизмат тадбиркорларга аутсорсингга берилгани таъкидланди. Шаҳарларда жамоат транспорти учун махсус йўлаклар ташкил қилингани қайд этилди.
Тасодифий хабарлар
Қамчиқ довонида «Spark» пастлиққа тушиб кетди
Ўзбекистонда қимматбаҳо автомобиллар импорти учун имтиёзлар бекор қилинади
Роналду Гиннесс рекордлари китобига киритилди
Хотинини боласининг кўз ўнгида ёқиб юборган эр 18 йилга қамалди
Дабдабали тўй қилганлар катта жаримага тортилиши мумкин (Қирғизистон)