Ўзбекистон Қуролли кучлари бош штаби собиқ бошлиғи Тўлқин Қосимов вафот этди

2000-2003 йилларда Қуролли кучлар бирлашган штаби бошлиғи бўлган генерал-полковник Тўлқин Қосимов 84 ёшида ҳаётдан кўз юмди. 

Ўзбекистон Қуролли кучлари бош штаби бошлиғи лавозимида фаолият юритган генерал-полковник Тўлқин Қосимов вафот этди. Бу ҳақда Мудофаа вазирлиги хабар берди.

Тўлқин Қосимов 1962 йилдан бошлаб 2003 йилга қадар Қуролли кучлар сафида хизмат қилиб, ҳарбий округ қўмондони, мудофаа вазири ўринбосари, Ўзбекистон Қуролли кучлари академияси бошлиғи ҳамда Қуролли кучлар бош штаби бошлиғи каби лавозимларда фаолият олиб борган.

Хизмати давомида I-II даражали «Шон-шараф», «Қизил юлдуз» ва II-III даражали «Ватанга хизмати учун» орденлари ҳамда кўплаб медаллар билан тақдирланган.