Фаст-фуд сабаб 10 ойлик чақалоқнинг ичаги олиб ташланди

Тошкент шаҳрида лаваш ва картошка-фри едирилгани учун ичаги чириган 10 ойлик чақалоқ операция қилинди. Бу ҳақда “Миллар” дастури хабар берди.

Қайд этилишича, олис вилоятдан Тошкент шаҳрига келаётган она йўлдан тушлик учун лаваш ва қовурилган картошка сотиб олган. Она йиғлаб, хархаша қилгани учун ўзига олган фаст-фудни оғзида чайнаб 10 ойлик чақалоғига ҳам едирган. Орадан маълум вақт ўтиб, гўдакнинг аҳволи оғирлашган.

Шифокорнинг билдиришича, чақалоқда кўп маротаба қайд қилиш, ичидан қон кетиш, қорни дам бўлиш ва доимий оғриқлар кузатилган. Энди ичак чириши оқибатида бир нечта операция бажарилиши керак. Хусусан, биринчи босқичда чириган қисм олиб ташланган ва ичак стомаси чиқариб қўйилган. Ушбу стома билан чақалоқ 6 ойча яшаб туради, кейин яна операция қилинади ва ичак тикланади.

Шунингдек, шифокорнинг айтишича, чақалоқларга бошқа, масалан думба ёки кўксомса берилганда ҳам аянчли ҳолатлар юз берган. Аслида эса 3 ёшгача бўлган болаларни она сути билан озиқлантириш тўғри бўлади. 1 ёшдан ўтгандан кейин эса қўшимча озуқа бериш мумкин.