Қирғизистон ҳам картошка экспортини тақиқлаши мумкин

Қирғизистоннинг қишлоқ хўжалиги вазирлиги картошка экспортига вақтинчалик чеклов жорий этиш масаласини кўриб чиқмоқда.

Қайд этилишича, ушбу чора-тадбирлар ижтимоий аҳамиятга эга маҳсулотларга нисбатан нарх чайқовчилигининг олдини олиш ва озиқ-овқат хавфсизлигини таъминлашга қаратилган.

Мамлакатда озиқ-овқат маҳсулотлари нархлари бўйича ўтказилган йиғилишда мамлакат қишлоқ хўжалиги вазири Бахит Тўробоев давлат идоралари, Президентнинг вилоятлардаги вакиллари ва маҳаллий ҳокимликларга озиқ-овқат маҳсулотлари таннархини қаттиқ назорат қилиш бўйича топшириқ берган.

Маълумот учун, Қирғизистон ўтган йилнинг 11 ойи давомида 68,2 минг тонна картошка экспорт қилган ва уларнинг асосий қисмига Ўзбекистон харидор бўлган.