Россиялик губернатор мигрантлардан тўлиқ воз кечмоқчи эканини айтди

Краснодар ўлкаси губернатори Вениамин Кондратьев 4 декабрь куни аҳоли билан бўлиб ўтган тўғридан-тўғри телемулоқотда 2025 йилдан бошлаб ҳудудда хорижий ишчи кучи бутунлай тақиқланишини маълум қилди. 

«Ўлкада меҳнат мигрантлари билан боғлиқ вазият тушунарсиз ва бироз назорат қилиб бўлмайдиган даражада. Маҳаллий ишчи кучи эса етарли, биз уларга таянишимиз керак», – деган губернатор.  

Ҳозирги вақтда Краснодар ўлкасида меҳнат мигрантлари учун 85 турдаги иқтисодий фаолият тури тақиқланган. Фақат қурилиш соҳасида ишлашга рухсат этилган.