Кеча, 4 март куни Миср пойтахти Қоҳирада блокададаги Ғазо секторида ўт очишни тўхтатиш бўйича музокаралар давом эттирилади. Бу ҳақда юқори мартабали мисрлик амалдорга таяниб, “Al-Qahera News” телеканали хабар берди.
“Миср, Қатар, ҲАМАС ва АҚШ иштирокидаги музокаралар эрта тонгда бошланиши кутилмоқда”, дейди манба.
Миср матбуоти кеча, 3 март куни ҲАМАС, Қатар ва АҚШ делегациялари яна Қоҳирага етиб келганини ёзди. Бироқ Исроил томони Ғазо секторидаги исроиллик маҳбусларнинг исм-шарифлари кўрсатилган рўйхатни олмагунча, Мисрдаги музокараларда қатнашмаслигини маълум қилган.
Исмини ошкор қилмаган мисрлик юқори мартабали мулозим Рамазон ойи олдидан Ғазо секторида ўт очишни тўхтатиш бўйича музокараларда маълум “силжиш” борлигини айтган. Унинг сўзларига кўра, Миср Рамазонгача Фаластин анклавида ўт очишни тўхтатишга эришиш учун катта саъй-ҳаракатларни амалга оширмоқда.
"Ўт очишни тўхтатиш бўйича музокараларда кўзга кўринадиган силжиш бор ва биз адолатли келишувга эришишга ҳаракат қилмоқдамиз", дейди расмий.
Маълумот учун, Тель-Авив ва ҲАМАС 13 февраль куни Қоҳирада маҳбусларни алмашиш бўйича келишув доирасида музокара ўтказган. Кейинроқ Исроилнинг “Моссад” разведка бошқармаси директори Давид Барнеа, АҚШ Марказий разведка бошқармаси директори Уильям Бёрнс, Қатар Бош вазири Муҳаммад бин Абдураҳмон Ол Соний, Миср разведка бошқармаси раҳбари Аббос Камол ва ҲАМАС делегацияси иштирокидаги музокаралар 24 февралгача давом этди.
Тасодифий хабарлар
Россия бир кунда 10 миллион долларлик газни шунчаки ёқиб юборяпти
Саудия Арабистони Умра зиёратига виза бериш бошланганини эълон қилди
Ваҳший қотиллик! Эр рафиқасига 30 марта пичоқ урди
Ўзбекистонда коронавирусга чалинганлар сони 100 000 га яқинлашмоқда
АҚШ Ўзбекистонни коронавирус тарқалиш даражаси номаълум давлатлар қаторига киритди