Сўнгги 9 ой давомида энг кам ўртача ойлик ўқитувчи ва шифокорларга берилган. Бу кўрсатгич 2019 йилдан бери сақланиб келмоқда. Давлат статистика агентлиги маълумотларига кўра, 2023 йилнинг январь-сентябрь ойлари бўйича соҳа ходимларининг ўртача ойлик иш ҳақлари рейтингида таълим ва соғлиқни сақлаш ходимлари энг сўнгги поғоналарда қолмоқда.
Мазкур вақт давомида молия ва суғурта фаолиятида хизмат кўрсатувчилар энг кўп ўртача ойлик (12,8 млн сўм) олишган. Бундан кейин ахборот ва алоқа соҳаси ходимларига энг кўп ойлик маош (10,3 млн сўм) тўланган.
Рўйхатнинг энг охирги иккита ўрнида таълим (3 млн сўм) ҳамда соғлиқни сақлаш ва ижтимоий хизматлар кўрсатиш (2,9 млн сўм) соҳалари турибди.
Маълумотга кўра, шу давр мобайнида мамлакатда ўртача ойлик иш ҳақи 4,4 млн сўмни ташкил қилган.
2019 йилдан 2023 йилгача бўлган маълумотларга қаралса, ўқитувчи ва шифокорлар ўртача ойлик маошлари деярли 1,4 млн сўмга юқорилаган ва доимий энг паст ўртача ойлик иш ҳақи сифатида рўйхатда турган.
Тасодифий хабарлар
Коронавирусга қарши эмлаш бўйича Наманган вилояти етакчиликни қўлга олди
Қирғизистон президенти: "Афғонистондаги жангариларнинг ҳомийлари Марказий Осиёга “кўз тикишган”
Мусаев ухламай, ухлатмай ишлаяпти. Вазир ярим тунда йиғилиш ўтказгани расман хабар қилинди
Наманганда 5 млрд сўмдан кўпроқ қийматдаги электр энергияси ўғирланди
Тез ёрдам шифокорини калтаклаган шахс қамоққа олинди