Польша Бош вазири Матеуш Мораветскининг айтишича, ҳозир Украинага қурол берилмаяпти, чунки мамлакат ўз армиясини қуроллантириш билан банд. Бу ҳақда у Polsat телеканалига берган интервьюсида айтиб ўтди.
«Украина ўзини Россиянинг шафқатсиз ҳужумидан ҳимоя қилмоқда ва мен бу вазиятни тушунаман, лекин айтганимдек, биз ўз мамлакатимиз ҳимоясини ҳам ўйлашимиз керак. Энди Украинага қурол бермаяпмиз, чунки ҳозир Польшани қуроллантиряпмиз», — деди Мораветски.
Мораветскининг баёноти Киев ва Варшава ўртасида Украина донини экспорт қилиш борасидаги келишмовчиликлар фонида оммавий ахборот воситаларининг кенг эътиборини тортди.
Россиянинг Украинага бостириб кириши бошланганидан бери Польша Киевга уч миллиард евродан ортиқ ҳарбий ёрдам кўрсатган. Бу таъминотлар орасида ўқ-дорилар, зирҳли ва оғир техникалар, қирувчи самолётлари бор эди.
Тасодифий хабарлар
2022 йилда қочқинларга керагидан деярли 8 млрд доллар кам маблағ ажратилади
Ўзбекистонда яна ресторан, бозор ва бошқа объектлар фаолияти тўхтатилмоқда
“Ўзбеккино” Россияда сақланаётган ўзбек фильмларини қайтармоқчи
МакГрегор Серронега қарши жангдан қанча пул топиши маълум
Ниҳоят, коронавируснинг «нозик жойи» аниқланди