Яқин соатлар ичида Отабек Сатторий иши бўйича суд томонидан якуний қарор чиқарилиши мумкин

Бугун узил-кесил олти йилу-у, олти ойга озодликдан маҳрум этилган блогер Отабек Сатторийнинг навбатдаги апелляция суди ўтказилмоқда. Effect.uz мухбирининг хабар беришича, суд  музокарага ўтиб, тергов жараёнлари тугаган. Яқин соатлар ичида суд томонидан якуний қарор чиқарилиши мумкин.

Эслатиб ўтамиз, кечаги судда Отабек Сатторий  масофавий тарзда кўрсатма берган. Бу жараёнлар бугун ҳам давом этмоқда. 2 июль куни Термиз шаҳрида блогер Отабек Сатторийга оид иш бўйича апелляция судининг навбатдаги жараёни бўлиб ўтган эди. Унда Термиз шаҳар ҳокими Исроил Худойбердиев  ўз анъанасига содиқ қолган ҳолда масофавий тарзда кўрсатма бериб, Отабек Сатторийнинг адвокати Умид Давлатовнинг саволларига жавоб қайтарганди.