Қашқадарё вилояти Қарши шаҳрида яшовчи бир неча фуқаролар ИИОга мурожаат қилиб "Телеграм" мессенжеридаги "Ютуқли акция" гуруҳига аъзо эканликлари ва гуруҳ администратори томонидан уларга юборилган ""Iphone X" соҳибига айландингиз! Ютуқни қўлга киритиш учун почта пулини тўланг" мазмунидаги хабарга ишониб, юборилган банк картаси ҳисобига 150.000 сўм ўтказиб беришганлигини, аммо ҳеч қандай ютуқни қабул қилиб олишмаганликларини маълум қилишган.
Тезкор-қидирув хизмати Киберхавфсизлик бўлинмалари ходимлари томонидан олиб борилган тезкор-қидирув тадбирлари натижасида, ушбу жиноят Қашқадарё вилояти Қарши шаҳрида яшовчи 39 ёшли (эркак) фуқаро Ғ.Р. томонидан содир этилганлиги аниқланди.
Мазкур ҳолат юзасидан Ўзбекистон Республикаси ЖКнинг 168-моддаси 3-қисми билан жиноят иши қўзғатилиб, Ғ.Р.нинг содир этилиб фош этилмай қолган бошқа шу турдаги жиноятларга алоқадорлигини текшириш юзасидан тезкор-суриштирув ишлари олиб борилмоқда.
Қонунга мувофиқ, Ўзбекистон Республикаси Жиноят кодексининг 168-моддаси 3-қисмидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.
Тасодифий хабарлар
Ўзбекистонни босиб олишни таклиф қилган Прилепин Зеленскийни суиқасд уюштиришда айблади
Фарғоналик йигит танишишни хоҳламаган қизга беҳаё расмлар юборди, оқибатда...
Исроил Ғазодаги ёрдам нуқтасига зарба берди, 12 киши ҳалок бўлди
“Ўзбеккосмос” далаларда сомонларнинг ноқонуний ёқиб юборилгани суратларини эълон қилди
Хавотирли кўрсаткич: Ўзбекистонда бир кунда қарийб 750 киши коронавирусга чалинди