Маҳмуд Муродов рақибини техник нокаутга учратди

Бирлашган Араб Амирликлари пойтахти Абу-Дабида бўлиб ўтаётган UFC 257 турнирида ўзбекистонлик Маҳмуд Муродов октагонга кўтарилди. Муродовнинг жанги кечанинг асосий кардида бўлиб ўтди.

Маҳмуд Муродовга ушбу жангда америкалик Эндрью Санчес рақиблик қилди. Муродов баҳснинг 3-раундида рақибини техник нокаутга учратиб, ғалаба қозонди.

Спортчи жанг сўнгида ғалабани Ўзбекистон учун бағишлаб, уни қўллаб-қувватлаган Ўзбекистон ММА федерацияси президенти Отабек Умаровга миннатдорлик билдирди.

Ушбу ғалаба Маҳмуд Муродовнинг UFC’даги учинчи ғалабаси ҳисобланади. Ўзбекистонлик спортчи UFC’да ҳали мағлубият ёки дуранг қайд этгани йўқ: 3 та жанг, 3 ғалаба.