2010-2012 йилларда берилган эски намунадаги ҳайдовчилик гувоҳномалари 1 июлдан бошлаб ҳақиқий эмас деб ҳисобланади. 2013-2015 йилларга оид гувоҳномалар шу йил 30 сентябргача, 2015 йилдан кейин берилган эски намунадаги гувоҳномалар эса 31 декабргача амал қилади.
Эски намунадаги ҳайдовчилик гувоҳномаларини янгисига алмаштириш учун бир неча марта узайтирилган муддатларнинг сўнггисида иккинчи босқич якунланмоқда.
2010 йилгача берилган эски намунадаги ҳайдовчилик гувоҳномалари 2023 йил 1 апрелдан бошлаб ҳақиқий эмас деб ҳисоблана бошлаган эди.
2010-2012 йилларда берилган шу турдаги гувоҳномаларни алмаштиришнинг охирги муддати – 2023 йил 30 июн деб белгиланган. 1 июлдан бошлаб улар ҳақиқий эмас деб ҳисобланади.
2013-2015 йилларда берилган эски намунадаги ҳайдовчилик гувоҳномалари 2023 йил 30 сентябргача, 2015 йилдан кейин берилганлари эса 2023 йил 31 декабргача янгисига алмаштирилиши лозим.
Эски намунадаги ҳайдовчилик гувоҳномасини ўз вақтида янгисига алмаштиришга улгурмаган фуқаролар белгиланган муддатдан кейин ҳам янги гувоҳнома учун ариза бериши мумкин. Бунда, муддат ўтгани учун жарима солинмайди, қайта имтиҳон топшириш ҳам талаб этилмайди.
Бироқ, муддати ўтган гувоҳномалар ҳақиқий эмас деб ҳисобланиши боис, улар билан автомашина бошқариш жавобгарликка сабаб бўлади. МЖтКнинг 135-моддасига асосан, ҳужжатсиз машина бошқарганлик учун 1 БҲМ (айни пайтда 330 минг сўм) миқдоридаги жарима кўзда тутилган.
Тасодифий хабарлар
Наманганда ноқонуний равишда дори ишлаб чиқараётган яширин корхона аниқланди
Қозоғистонда коронавирусни янги штамми аниқланди. У Ўзбекистонга кирмаганми?
Mayk Pompeo Shimoliy Koreya bilan muzokaralar qayta tiklanishiga umid bildirdi
Янгиқўрғонда 80 нафар ёшга бепул ер берилди
Диққат! Ўзбекистонга совуқ ҳаво кириб келмоқда