Қирғизистон Миллий хавфсизлик давлат қўмитаси «Коррупцияга қарши халқ ҳаракати» жамоат бирлашмаси директорини пора олаётган вақтида жиноят устида ушлади. Бу ҳақда Қўмита матбуот маркази хабар берган.
Қайд этилишича, мазкур уюшма раҳбари Алмазбек Канқулиев бўлиб, у маҳаллий қишлоқларнинг бири раҳбаридан унинг молиявий фаолиятини текширишни тўхтатиш эвазига пул ундирмоқчи бўлган.
Алмазбек Канқулиев ўз мақомидан фойдаланиб, ҳуқуқни муҳофаза қилувчи органлардаги алоқа ниқоби остида вақти-вақти билан давлат муассасалари ва маҳаллий ўзини ўзи бошқариш органларидан бюджет маблағларининг сарфланиши тўғрисидаги ҳамда бошқа манфаатдор маълумотларни сўраб турган. У ўз сўровларини бажаришдан бош тортган ташкилот ва идораларни текширув ўтказиш билан қўрқитиб, прокуратура ва Ҳисоб палатасига аризалар киритиш орқали тизимли равишда пул ундириб келган.
Video Player
Бундан ташқари, Канқулиев пудратчиларга ҳамкорликни таклиф қилиб, тендерларда ижобий қарор қабул қилишни ваъда қилган ва бунинг учун эълон қилинган тендер суммасининг 10 фоизини талаб қилган. Рад этилган тақдирда, уларнинг ташкилотида аудит ўтказишга ҳаракат қилиш билан таҳдид қилган.
Айни пайтда мазкур ҳолат юзасидан Қирғизистон ЖКнинг 208-моддаси (Пора олиш) бўйича жиноят иши қўзғатилган. Алмазбек Канқулиевга нисбатан эса қамоққа олиш эҳтиёт чораси қўлланган.
Тасодифий хабарлар
"Мен билан яшашни истамаган" — Нилуфар Усмонова марҳум эри ҳақида гапирди
“Omicron” Ўзбекистон чегарасига яқинлашди
«Сардоба иши» ёпиқ судда кўриладиган бўлди
Германия қордан қочиб, дўлга тутилиши мумкин
Март ойида кутилаётган об-ҳаво маълумоти эълон қилинди