Илон Маск Украинадаги Starlink сунъий йўлдош алоқаларини молиялаштиришда давом этишини айтди

Жума куни миллиардер Украинадаги Starlink харажатларини бошқа тўлай олмаслигини айтиб ўтган эди, аммо энди у фикри ўзгарди.

“Жин урсин... Гарчи Starlink ҳали ҳам пул йўқотаётган бўлса ва бошқа компаниялар солиқ тўловчилардан миллиардлаб доллар олаётган бўлса-да, биз Украина ҳукуматини текин молиялашда давом этамиз”, — деб ёзган у.

Маск, шунингдек, Украинада вазиятни юмшатиш учун қўлидан келганича ҳаракат қилаётганини, аммо ҳозирча муваффақиятга эриша олмаганини айтди.