Исроил Бош вазири Нафтали Беннет Москва ва Киев ўртасидаги воситачилик саъй-ҳаракатлари доирасида Украина Президенти Владимир Зеленскийга Россия Президенти Владимир Путиннинг талабларини етказди ва “қон тўкилишининг олдини олиш учун Кремль қўяётган вазифаларни бажаришни таклиф қилди.
Россия давлат раҳбари талаблари орасида Украина Россиянинг Қримни аннексия қилганини тан олиши, Донецк ва Луганск мухторияти мақоми, Киевнинг Конституцияга ўзгартириш киритиш орқали НАТОга қўшилмаслик мажбуриятини олиш каби бандлар бор. Бу ҳақда Haaretz газетаси ва Walla веб-сайти ёзмоқда.
Украинанинг юқори мартабали мулозимининг Исроил матбуотига айтишича, Беннет Зеленскийни Путиннинг таклифини қабул қилишга ундаган:
“Агар мен сизнинг ўрнингизда бўлганимда, халқимнинг ҳаёти ҳақида ўйлаб, таклифни қабул қилган бўлардим”.
Бунга жавобан Украина давлат раҳбари Беннеттга “уни тушунганини” айтди.
"Беннет бизга таслим бўлишни таклиф қилди. Бизнинг бундай ниятимиз йўқ. Биз биламизки, Путиннинг таклифи фақат бошланишдир”, деб ёзади Walla Украина раҳбарининг сўзларидан иқтибос келтирган ҳолда.
Зеленский Беннетнинг воситачилик ҳаракатларидан қониқиш ҳосил қилмаганидан, икки томон ўртасидаги хабарнинг узатилиши воситачилик деб ҳисобланмаслигидан шикоят қилди.
“Исроил раҳбари ечим топмади”, дейди Зеленский.
Тасодифий хабарлар
Тошкентда 15 яшар қизни зўрлаган ўқитувчи ва икки дўсти қамалди
Фарғонада ўзини ёқиб юборган аёл шифохонада вафот этди
Наманган шаҳар ИИО ФМБ бошлиғи, Ғ.А.Ғаниевнинг ташаббуси билан Наманган шаҳар 3-сектор худудида ёшлар билан учрашув ўтказилди
Тоғли Қорабоғдаги жангларда қурбонлар сони кўпайди
Коронавирус чекинишни бошлади