Coca-Cola компанияси Украинада бўлаётган воқеалар фонида Россиядаги бизнесини тўхтатишга қарор қилди.
Компаниянинг пресс-релизида ҳеч қандай тафсилотлар келтирилмаган. Coca-Cola компаниясига тегишли заводлар ёпиладими ёки компания фақат Россияда ичимликлар сотишни расман тўхтатадими, ҳозирча аниқ эмас.
Coca-Cola ичимликлар расмий равишда Шимолий Корея ва Кубадан ташқари дунёнинг барча мамлакатларида сотилади.
PepsiCo. ҳам Россиядаги фаолиятини тўхтатганини эълон қилди. Компания ўзининг газланган ичимликларини Россияда сотишни тўхтатмоқда, аммо сут, чақалоқлар ва болалар овқатлари каби зарур маҳсулотларни сотишда давом этади.
Россия бозорини яна бир гигант компания McDonald's вақтинча тарк этмоқда ва барча ресторанларини ёпмоқда. Компания ушбу қарор маҳаллий ходимлар ва ҳамкорларга қандай таъсир кўрсатишини тушуниб, уларни, хусусан, маошларни тўлашни давом эттириш орқали қўллаб-қувватлайди, деган McDonald's корпорацияси бош директори Крис Кемпчинскининг баёнотида.
Россияда McDonald's’нинг 850 та тез овқатланиш ресторани, 62 минг ходими ҳамда юзлаб маҳаллий етказиб берувчи ва ҳамкорлари бор.
Тасодифий хабарлар
Депутат ИИВ ташаббуси ҳақида: "Шахсан мен тиш-тирноғим билан бунга қаршиман ва барча ҳамкасбларимни бунга чақираман" (парда масаласи)
Соф тилда сўзламаганлар учун жарима
Ўзбекистонда такси лицензиясига эга автомобилларга «доставка» учун «стикер» талаб этилмайдиган бўлди
Қозоғистонда Ўзбекистон фуқароси ўғирлаб кетилиб, ундан 500 минг тенге талаб қилинди
Ташқи ишлар вазирининг биринчи ўринбосари элчи бўлиши кутилмоқда