Андижонда таниқли блогер Фотима Жўраева калтаклангани хабари берилганди.
Орадан кўп ўтмай Бош прокуратура вазият бўйича баёнот бериб, ҳолат юзасидан терговга қадар текширув ўтказилаётганини билдирганидан ҳам хабардорсиз.
Олиб борилган терговга қадар текшириш якунига кўра, Улуғнор тумани Электр тармоқлари корхонаси бош ҳисобчиси С. М.га нисбатан Улуғнор тумани ИИБ ҳузуридаги Тергов бўлинмаси томонидан Ўзбекистон Республикаси Жиноят кодексининг 109-моддаси 2-қисми (қасддан баданга енгил шикаст етказиш) аломатлари билан жиноят иши қўзғатилди. Мазкур маълумотни Бош прокуратура матбуот хизмати раҳбари Ҳаёт Шамсутдинов тасдиқлади.
Унга кўра, ўтказилган суд-тиббий экспертизасида Ф.Жўраевада «Бош мия чайқалиши, бошни чап қовоқ соҳаси ёрилган (тикилган) лат яра, чап елка бел, қорин ва думба соҳаси юмшоқ тўқималарини лат ейиши ва қонталашлар» каби жароҳатлар аниқланган.
Айни пайтда тергов ҳаракатлари олиб борилмоқда.
Эслатиб ўтамиз, ўтган ойда маҳаллий фермерлар ва туман Электр тармоқлари корхонасида ўртасида юзага келган муаммоларни ўрганаётган блогер кутилмаганда босимга дуч келади. Яъни блогер Жўраева сўровига жавоб олиш учун туман Электр тармоқлари корхонасида келганда унинг уяли телефон аппарати тортиб олиниб, синдириб ташланади. Камига бир неча эркак унга нисбатан жисмоний куч ишлатади. Воқелик корхона мутасаддилари кўз ўнгида рўй беради. Бироқ ҳеч ким унинг олдини олишга ҳаракат қилмайди.
Тасодифий хабарлар
Аҳад Қаюм “арзон” фильмлар олиши сабабини маълум қилди
“Геноцидга томошабинмиз ва ҳеч нарса қилолмаяпмиз”. БМТ амалдори Фаластин учун истеъфога чиқди
UFC Vegas турнири: Холлоуэй рейтингдаги ўрнини мустаҳкамлади
Хонанда Дилмурод Далиев ўзи билан яшаб келаётган аёлни ўлдириб қўйди
"ELSE TEA" ва "JESCO" савдо белгилари Коронавирусга қарши кураш хайрия ишларига 1 миллиард сўм маблағ ажратилиши режалаштирганини маълум қилган эди. Ушбу режа тўлиқ бажарилиб янги хайрия режаси 1 миллиард 385 миллион сўм этиб режалаштирилди