Эҳтиёжманд оилаларни ҳар томонлама қўллаб-қувватлаш, уларнинг бандлигини таъминлаш орқали қамбағалликни қисқартириш, аҳоли учун қулай шарт-шароитларни яратиш секторлар фаолиятининг асосий вазифаларига айланган.
Белгиланган вазифаларни ижро этиш мақсадида Наманган вилоят прокурори Жаҳонгир Жўраевич Хатамов томонидан Чуст туманидаги “Бибиона” зиёратгоҳида "Сайёр қабул" ўтказилди.
Қабул давомида ишга жойлаштириш, кредит ажратиш, имтиёзли равишда ҳарбий хизматни ўташ ва бошқа масалалар юзасидан 13 та мурожаатлар келиб тушган бўлиб, ушбу мурожаатлардан 4 таси жойида ҳал этилиб, қолган 9 таси бўйича тегишли идораларга муддатлар белгиланиб, тегишли топшириқлар берилди.
Мисол учун, “Ариқ буйи” МФЙда яшовчи фуқаро У.Аскарованинг мурожаатига кўра, уни тумандаги "Балиқчи" МФЙга ёрдамчи инспектор вазифасига ишга жойлаштирилиши таъминланди.
Шу каби, тумандаги Тошқўргон МФЙда яшовчи М.Рахимжонов ва Бозорбоши МФЙда яшовчи К.Абиловларнинг ҳарбий хизматни имтиёзли равишда ўташ хақидаги мурожаатлари ўзининг ижобий ечимини топди.
Вилоят прокуратураси томонидан барча мурожаатлар тўлиқ ва белгиланган муддатларда кўриб чиқилиши назоратга олинди.
Бу борадаги тадбирлар барча ҳудудларда давом эттирилмоқда.
Тасодифий хабарлар
Коронавирус хавотири! Америкаликлар коронавирус туфайли бункерлар қуришмоқда
Тириклайин кўмилган кампир уч кундан сўнг қабрдан йиғлаб чиқди
ИИБ ходимлари фуқарони резина таёқ билан дўппослашди. Сабаби маълум
Суперлига. «Пахтакор» супер голлар урилган ўйинда «Навбаҳор» билан дуранг ўйнади, «Бунёдкор»да иродали ғалаба
Ўзбекистоннинг ташқи қарзи 27,5 млрд доллардан ошди